सर्लाहीमा कालाजारको महामारी, ६ जनाको मृत्यु

सर्लाही,चैत्र,२८
सर्लाहीको भक्तिपुरमा कालाजारको महामारी फैलिएको छ । एक साता देखि फैलिएको कालाजार रोगबाट भक्तिपुरको राईटरखोर गाउँमा अहिले सम्म ६ जनाको मृत्यु भएको जिल्ला जनस्वास्थ्य कार्यालय सर्लाहीले पुष्टी गरेको छ । कालाजारबाट बिरामी भएका १४ जनाको जिल्ला अस्पताल मलंगवामा उपचार भैरहेको जनस्वास्थ्य अधिकृत प्रभाकर झाले जानकारी दिनुभयो । भक्तिपुर स्वास्थ्य चौकीबाट ढिलोगरी जानकारी आएकाले महामारीले ठुलो रुप लिएको उहाँले बताउनुभयो । उहाँका अनुसार विपी कोइराला स्वास्थ्य विज्ञान प्रतिष्ठान धरान, जिल्ला अस्पताल र जिल्ला जनस्वास्थ्य कार्यलयको टोलीले महामारी फैलिएको स्थानमै गएर बिरामीको रगत परीक्षण गर्दा १४ जनामा कालाजार भेटिएपछि उनीहरुलाई उपचारका लागि जिल्ला अस्पताल मलंगवा लगिएको हो । कालाजारले महामारीको रुप लिएपनि भक्तिपुर स्वास्थ्य चौकीले गम्भीरता नदेखाएको स्थानीयले गुनासो गरेका छन् ।

Leave a comment

Your email address will not be published.


*